Pregrada.info - nezavisni pregradski portal

Tomica Kolar uskoro izdaje svoju drugu zbirku poezije. Prvu zbirku pod nazivom "Pjesme" objavio je 2003. godine u izdanju donjostubičke Kajkaviane i Matisa d.o.o. iz Pregrade.

Kao najavu druge zbirke, Tomica je Pregrada.info portalu ustupio je nekoliko pjesama:

Knjiga

Kad se dođe
do praznine stranice u knjizi misli,
vidiš da ta knjiga
i nije tako važna, kako uvijek misliš.
Onda, ne misliš ništa ili barem
ništa vrijedno, pa zadovoljan sobom
i dalje se smiješiš, svejedno.
Nitko nije vidio pa kao da nije ni bilo,
kad si sam u debelu prazninu
zahvatio i stao.

A od svih tih strana
bit će još koja valjda
obojana.

Nanta

Naš je grad mel fanta,
zvali su ga Nanta.
Nanta?
Jas niesam Nanta, jas sam Ferdinant!
Saki krat pre meši, h kutu
malu pogjen još stoji.
H rukaf ma škerljak, popievlje na glas.
Na glas, glasnu moli i z Bogam se spomina.
Dober si je žim.
Čistu serce, žuti nokti,
a mene ga je strah.
Hu jega ljučem dugu.

Pogleda me onda Nanta,
a mene se kosti zmerzneju
pa hitru poljuknem h stran.

Idema s cirkve i blizu mi je.
Na škorjaf ma blata.
Jen ga det pozdravi: "Bok, Nanta, kak si?¨
"Jas niesam Nanta, jas sam Ferdinant!" - veli,
pa si z velikim bielim rupčekam
obriše nuos.

 

Pipa

Kak i sakemu čoveku
nekaj mi ide h glavu a nekaj ne.
Preveč je tega i kak bi tuo se stalu
h glavu tak malu
kak je moja?

Vuha su mi velike i dosti tega čujem.
I kaj treba i kaj ne, razne stvari.
Dobru bi mi h cajtu došal štoplin ili čep
ili da bi mogal deti vuha h žep.

Kak se got okrene, jas sam sam,
sega je itak preveč, a kam?
A da glava se napuni vuha me boliju,
oči su kervave, zvoni mi zvoniju.

Onda treba meren biti, nič misliti.
Malu se počiniti, sesti se pod lipu.
A kak tuo tešku ide, bilu bi najbuolje
da mam h glavi pipu

Stari det

Lisnati koš pun listja
na plečaf nosi det.
Vidi se po hodu da ma dosti liet.
Pod rukuj ma lesu, fusti ju je splel
od lieske i ot kabačine,
ot sience i ot mesečine.
Tri dni ni bil doma, zatu ka se je posvadil.
I ženuj i sinam i sniehuj.
Kak je bil jezen, sakega bi od jih
najrajši z batinuj hder...,
ali nije, nij un takaf, priet bi hmer.
Rajši se je vugnil, prešal je za brieg
i nigdo nije znal
kut je huodil, kaj je jel
i ke je spal.
H žepu je mel kasturu, pri sebe ni mel vuru.
Koš odzadi, mustači napret:
stari det.

K duomu je došal i spustil nuovi koš
pun listja i lesu h sušu na pod.
Onda se polahku spel po štiengaf
f hižu za stol.
Poklje tri dni došal je gmof
i ot svoje žene i ot sniehe
je bil pogoščen kaj grof.

Lesu je sin prepasal na pluot
i sakega je hvečer bilu malu špot.

Pod debelim briegam ide stari det.
Lieta su odzadi, mustači pa napret.